YChLda haftaning eng yaxshi o‘yinchisi ma’lum bo‘ldi

Yevropa Chempionlar Ligasi chorak finalining javob o‘yinlaridan so‘ng haftaning eng yaxshi o‘yinchisi ma’lum bo‘ldi. Bu haqda musobaqaning Twitter’dagi rasmiy sahifasida e’lon qilindi.

Ushbu nomga “Barselona” hujumchisi Lionel Messi loyiq deb topildi.

Eslatib o‘tamiz, u chorak finalning javob o‘yinida “Manchester Yunayted” darvozasiga 2 ta gol urgandi (3:0).

Argentinalik bu yo‘lda Matteys de Ligt (“Ayaks”), Son Hyon Min (“Tottenhem”), Roberto Firminoni (“Liverpul”) ortda qoldirdi.

YChLda haftaning eng yaxshi o‘yinchisi nomiga quyidagi 4 nafar futbolchi da’vogarlik qilgandi:

• Lionel Messi (“Barselona”) — 2 ta gol
• Matteys de Ligt (“Ayaks”) — 1 ta gol
• Son Hyon Min (“Tottenhem”) — 2 ta gol
• Roberto Firmino (“Liverpul”) — 1 ta gol