Taniqli fransuz me’mori Jan-Mishel Vilmott yong‘in sodir bo‘lgan Notr-Dam ibodatxonasini tiklash qiymatini 1 milliard yevroga baholadi. Bu haqda “Korrespondent.net” xabar bermoqda.
“Ha, taxminan shuncha”, — deya javob bergan Vilmott France Inter radiosi boshlovchisining tiklash ishlari qiymati haqidagi savoliga.
Me’mor va’da qilingan xayriyalarning barchasi ibodatxonani tiklash fondiga kelib tushgan taqdirda ular rekonstruksiya qiymatini qoplashini bildirdi.
Eslatib o‘tamiz, oldinroq Parij soborini tiklash maqsadida yig‘ilayotgan mablag‘ miqdori bir milliard yevroga yetgani ma’lum qilingandi.
Izoh (0)