“Real” Garet Beylning transfer narxini ma’lum qildi

“Real Madrid” rahbariyati jamoa a’zosi Garet Beylni sotib yuborishni rejalashtirmoqda.

AS’ning xabar berishicha, Madrid klubi uelslikni 130 million yevroga baholamoqda, lekin shartnoma narxini pasaytirishga tayyor. “Real” futbolchining narxi va maoshi yuqoriligi sabab faqatgina 4 yoki 5 ta klub taklif bilan chiqadi deb hisoblaydi.

Bundan tashqari “Qirollik klubi” 29 yoshli futbolchini o‘zining asosiy transfer maqsadlaridan biri bo‘lgan Pol Pogba (“Manchester Yunayted”) hamda Kristian Eriksenga (“Tottenhem”) almashtirishi ham mumkin.

Eslatib o‘tamiz, Garet Beyl joriy mavsum La Liga doirasida 25 ta uchrashuvda maydonga tushib, 8 ta gol urdi va 2 ta golga assistentlik qildi.