Xalqaro baxshichilik festivalining chet ellik ishtirokchilarini Ozodbek Nazarbekov kutib oldi (foto)

Surxondaryo viloyati, Termiz shahrida 5—10-aprel kunlari Xalqaro baxshichilik festivali bo‘lib o‘tadi. Festivalda ishtirok etish uchun chet ellardan kelgan ishtirokchilar 4-aprel kuni Termiz xalqaro aeroprtida Madaniyat vazirining birinchi o‘rinbosari Ozodbek Nazarbekov boshchiligida kutib olindi.

Jurnalist Feruz Muhammadning ma’lumotlariga qaraganda, festivalda ishtirok etish uchun 4-aprel kuni 114 nafar chet ellik mehmonlar Termizga yetib kelishdi. Chet ellik mehmonlar Termizning “Afruz”, “Meridian”, “Rich”, “Silk Road”, “Surxon” mehmonxonalariga joylashtirildi.

Xalqaro baxshichilik festivalida ishtirok etish uchun chet eldan mehmonlar kelishi davom etmoqda.