Yunusobod tumani sobiq hokimining ishi sudda ko‘rilmoqda

Toshkent shahrining Yunusobod tumani sobiq hokimi Baxtiyor Abdusamatov Jinoyat kodeksining 205-moddasi 1-qismi, 2-qismi “a” bandi (“Hokimiyat yoki mansab vakolatini suiste’mol qilish”), 210-moddasi 2-qismi “a” bandi, “b” bandi va 3-qism “a” bandi (“Pora olish”) bilan aylangan va bu holat sudda ko‘rilmoqda. Bu haqda UzNews xabar berdi.

Shuningdek, sobiq hokim ishida yana ikki ayblanuvchiga nisbatan ham sud tergovi olib borilmoqda.

Bosh Prokuratura tomonidan yuritilgan jinoyat ishi bo‘yicha Toshkent shahar jinoyat ishlari bo‘yicha sudi sud-tergov harakatlarini olib bormoqda.

Eslatib o‘tamiz, Baxtiyor Abdusamatov 2018-yil 7-sentabr kuni ishxonasida katta miqdorda pora olishda gumon qilinib ushlangandi.