Navoiy viloyati Nurota tumani hokimi Umarbek Xalilov tashabbusi bilan #bookchallenge aksiyasi doirasida hamda sohibqiron Amir Temur tavalludining 683 yilligi munosabati bilan tumandagi barcha umumta’lim maktablariga 600 dona “Temur tuzuklari” kitobi sovg‘a qilindi.
Bundan tashqari, Oliy Majlis Qonunchilik palatasi deputati Ibrohim Xojdiev Namangan shahridagi 1-son ixtisoslashtirilgan davlat umumta’lim maktab internatining kutubxonasi uchun 100 ga yaqin ijtimoiy-siyosiy va badiiy adabiyotlar hamda sport anjomlari sovg‘a qilindi.
Samarqand viloyati hokimi Erkinjon Turdimov Qo‘shrabot tumaniga borib, o‘zi o‘qigan ta’lim muassasalari – 64, 41 va 19-umumiy o‘rta ta’lim maktablarining har biriga 200 taga yaqin kitoblarni tuhfa qildi.
#bookchallenge aksiyasi doirasida Samarqand shahar hokimi Furqat Rahimov o‘zi tahsil olgan 13-maktabga 70 dan ortiq turli badiiy, tarixiy va ma’naviy kitoblar topshirdi.
Shuningdek, Samarqand viloyati hokimining o‘rinbosari, xotin-qizlar qo‘mitasi raisi Gavhar Alimova ham o‘zi tahsil olgan Jomboy tumanidagi 16-umumta’lim maktabi 50 dan ortiq kitob sovg‘a qildi. Samarqand shahar moliya bo‘limi boshlig‘i Ikrom Axtamov ham o‘zi tahsil olgan 28-maktab kutubxonasiga 50 tadan ziyod kitoblarni taqdim etgan.
19-mart kuni Majburiy ijro byurosining markaziy apparati xodimlari o‘zlari ta’lim olgan maktablarga tashrif buyurib 20 donadan qiziqarli adabiyot va darsliklarni taqdim etishdi. A.Babayarov Chinoz tumanida tahsil olgan maktabiga, Mirobod tuman bo‘limi xodimlari o‘zlarining maktablariga 300 dan ortiq kitoblar hadya qildi.
Shuningdek. O‘zbekiston Oliy sudi raisi K. Komilov o‘zi o‘qigan Toshkent shahri Shayhontoxur tumanidagi 136-maktabga 100 dan ortiq kitob sovg‘a qildi.
Mudofaa vazirining birinchi o‘rinbosari — Qurolli Kuchlari Bosh shtabi boshlig‘i general-mayor Pavel Ergashev ham #bookchallenge aksiyasi doirasida Mirzo Ulug‘bek nomidagi ixtisoslashtirilgan 171-sonli maktabga o‘zining shaxsiy kutubxonasidan o‘rin olgan kitoblarni hadya etdi.
Olmaliq kon-metallurgiya kombinati boshqaruvi raisi Abdulla Xursanov 29-mart kuni Olmaliq shahridagi 80-sonli maktab-internat o‘quvchilariga 50 ta eng sara badiiy adabiyotlar, o‘quv qo‘llanmalari hamda ingliz tilini o‘rganuvchilar uchun qator lug‘at va adabiyotlar sovg‘a qildi.
Shuningdek, 29-okrug O‘zLiDeP partiyasi deputati Ilyosxon Azizov Parvona mahalla fuqarolar yig‘ini kutubxonasiga mashxur o‘zbek, rus va qirg‘iz yozuvchilari badiiy adabiyotlari to‘plamini sovg‘a qildi.
Eslatib o‘tamiz mamlakat bo‘ylab o‘tkazilayotgan #bookchallenge aksiyasi davomida barcha darajadagi rahbarlar maktablarga kitoblar sovg‘a qilmoqda.
Izoh (0)