Toshkent shahar hokimligi tomonidan yig‘ilish o‘tkazilib, fuqarolarning Haj va Umra amallarini tashkil etish masalalari muhokama etildi. Bu haqda Toshkent shahar hokimligi matbuot xizmati xabar berdi.
Yig‘ilishda Haj va Umra tadbirlarini tashkil etish va o‘tkazish masalalari bo‘yicha jamoatchilik kengashi fuqarolarning Umra ziyoratiga borishga bo‘lgan ehtiyojini inobatga olib, Uzbekistan Airways bilan birgalikda qo‘shimcha aviareyslar qatnovi yo‘lga qo‘yilayotganligi ma’lum qilingan.
Xabarda aytilishicha, Umra ziyorati davrida din sohasida faoliyat yuritayotgan malakali xodimlar ziyoratchilarga guruh rahbari sifatida hamrohlik qilmoqda. Ziyoratchilarga qulay sharoitga ega mehmonxonalar ajratilgan, 3 mahal issiq taomlar bilan ta’minlanadi va tibbiy xizmat ko‘rsatiladi. Ular uchun Saudiya Arabistoni Qirolligida transport masalalari to‘liq hal etilgan.
Ma’lumot uchun, joriy yilda respublika bo‘yicha 16 ming fuqaro Umra ziyoratini amalga oshirgan bo‘lib, Toshkent shahridan ziyoratga ikki yarim mingdan ziyod fuqaro borib kelgan.
Izoh (0)