Mudofaa vazirligida “Eng yaxshi kutubxona” va “Eng yaxshi kutubxonachi” tanlovlari o‘tkaziladi

Mudofaa vazirining buyrug‘iga ko‘ra, vazirlik tizimidagi harbiy qism va muassasalar kutubxonalari o‘rtasida “Yilning eng yaxshi kutubxonasi” hamda “Yilning eng yaxshi kutubxonachisi” ko‘rik-tanlovlari o‘tkaziladi. Bu haqda Mudofaa vazirligi matbuot xizmati xabar berdi.

Ushbu tanlov harbiy xizmatchilar, qurolli kuchlar ishchi xizmatchilari va ularning oila-a’zolari o‘rtasida kitobxonlik madaniyatini oshirishga qaratilgan.

Tanlov Mudofaa vazirligi tizimidagi harbiy qism va muassasalar kutubxonalari o‘rtasida har yili quyidagi bosqichda tashkil etiladi:

• birinchi bosqich — harbiy okruglar hududida joylashgan harbiy qism va muassalar kutubxonalari o‘rtasida yilning iyul oyida o‘tkaziladi;
• ikkinchi (final) bosqichi — birinchi bosqich g‘oliblari o‘rtasida yilning avgust oyida o‘tkaziladi.