Sog‘liq har bir odamning hayotidagi eng muhim narsa, ammo kasal bo‘lishdan hech kim sug‘urtalanmagan. Bizga baxtli va kuchga to‘la ko‘ringan aksariyat yulduzlar kasal ekanliklarini oshkor etmaydi.
Ulardan ayrimlari ommaning e’tiborini jalb etish uchun emas, balki odamlar o‘z sog‘liqlari haqida hozirdan qayg‘urishlari kerakligi, aks holda kech bo‘lishi mumkinligini aytish maqsadida kasalliklari haqida bir necha yil o‘tib ma’lum qiladi. AdMe shunday yulduzlar haqida ma’lum qildi.
Mark Ruffalo
https://www.instagram.com/p/BvWwUGvAfQz/?utm_source=ig_embed
2001-yilda aktyorga vestibulyar shvannoma kasalligi tashxisi qo‘yilgan. Bu bosh miya o‘simtasi kasalligi bo‘lib, akustik nevrinoma nomi bilan ham mashhur. O‘sha paytda aktyorning rafiqasi birinchi farzandini dunyoga keltirish arafasida bo‘lgan. Mark hech kimga o‘z kasalligi haqida gapirmagan. Chaqaloqning bir haftalik bo‘lishini kutib aktyor rafiqasiga kasalligi haqida ma’lum qilgan. O‘simtani olib tashlash bo‘yicha operatsiya muvaffaqiyatli o‘tgan. Biroq yuzining yarmi falaj bo‘lib, chap qulog‘i eshitmay qolgan. Ammo bu aktyorning baxtli hayot kechirib, muxlislarini ijodi bilan xursand qilishiga halal bermaydi.
Morgan Frimen
https://www.instagram.com/p/BsyK1KVF-QZ/?utm_source=ig_embed
2013-yilda AQShlik aktyor Morgan Frimen 2009-yilda avtohalokatga uchraganidan so‘ng fibromialgiya kasalligiga chalinganligini oshkor qilgan. Bu bo‘g‘imlarda, mushaklarda va boshqa to‘qimalarda surunkali og‘riqni boshdan kechirish holati.
Uning o‘ng yelkasi, qo‘li va tirsagi singan va aktyor operatsiya qilingan. Shifokorlar uning yelkasi va qo‘lidagi shikastlangan nervlarni tiklash maqsadida to‘rt soat davomida operatsiya qilgan. Morgan chapaqay, lekin u chap qo‘l barmoqlarini qimirlata olmaydi. U harakatsizlik oqibatida qon to‘planib qolmasligi uchun kompresslovchi maxsus qo‘lqop taqib yuradi.
Alek Bolduin
https://www.instagram.com/p/BRywtprDXyy/?utm_source=ig_embed
Alek Bolduin Layma kasalligiga qarshi kurashgani haqida 2017-yilda gapirib bergan. Aktyor kana chaqishi oqibatida zararlangan va u bir necha yil davomida holdan toydiruvchi doimiy bosh og‘rig‘i, yorug‘likka ta’sirchanlik, mushaklar og‘rig‘i, titroq, teri toshmalari kabi alomatlarga olib kelgan.
Anasteysha
https://www.instagram.com/p/BuMf6SnFBib/?utm_source=ig_embed
Anesteysha 13 yoshidan beri Kron kasalligi bilan yashaydi. Kasallik tashxisi qo‘yilgan paytda uning ingichka ichagining katta qismi yaxshi sifatli o‘smalar bilan zararlangan. Shu sababli ichagining 30 santimetri va bir necha limfa tugunlari kesib tashlangan. Qo‘shiqchida hali ham kasallikning ba’zi alomatlari kuzatiladi: oshqozonda noqulaylik, chandiq izlari tagining tortishib og‘rishi. Ba’zan esa u umuman ovqatlana olmaydi.
2003-yilda esa unga ko‘krak saratoni kasalligi tashxisi qo‘yilgan. O‘simtani olib tashlash bo‘yicha jarrohlik operatsiyasi o‘tkazilgan, shundan so‘ng bir necha davolanish bosqichini o‘tgan. Hozirda Anesteysha faol musiqiy faoliyat olib borib muxlislarini xursand qilishda davom etmoqda.
Devid Bekxem
https://www.instagram.com/p/BqfYhg9hR_5/?utm_source=ig_embed
Devid Bekxem bolaligidan astmaning yengil shakli bilan og‘rigan. U bu haqda aytishni xohlamagan. Chunki astma uning faoliyatiga ta’sir ko‘rsatmagan. Ammo 2009-yildagi o‘yin paytida ingalyatordan foydalanishga majbur bo‘lgan va shundan boshlab kasalligini yashira olmagan. Hozirda u fudbol faoliyatini tugatgan.
2006-yilda esa obsessiv kompulsiv sindromidan aziyat chekishini tan olgan. Futbolchi biror narsa bir chiziqda yoki boshqa xususiyatlariga ko‘ra tartib bilan turmagunicha tinchlana olmaydi.
Bono
https://www.instagram.com/p/BVvJdqWBglt/?utm_source=ig_embed
U2 frontmentining aytishicha, uning qoraytirilgan ko‘zoynak taqishiga surunkali ko‘z kasalligi sabab bo‘lgan. U 20 yil davomida glaukoma kasalligi bilan og‘riydi. Shu sababli u doim, hatto xonada ham maxsus ko‘zoynakda yuradi. Glaukoma ko‘z olmasida qon bosimining oshishidan kelib chiqqan bo‘lib, davolash choralari ko‘rilmasa, ko‘rish nervlarini shikastlab, ko‘rlikka olib kelishi mumkin. Biroq bu unga san’at sohasidan ketishga sabab bo‘la olmagan.
Melani Griffit
https://www.instagram.com/p/yUmk_YgE4N/?utm_source=ig_embed
Aktrisaning aytishicha, sakkiz yil avval unga epilepsiya tashxisi qo‘yilgan. 2011-yilda Kanndagi kinofestivalda ikki marta tutqanoq xuruj qilib qolganda kasalligi ma’lum bo‘lgan. Uning so‘zlariga ko‘ra, unda kasallik xuruji qattiq siqilishdan so‘ng paydo bo‘ladi. Ammo turmush tarzini yaxshilaganidan so‘ng olti yil davomida kasallik xuruji kuzatilmagan.
Emiliya Klark
https://www.instagram.com/p/BuU0VKYlcDF/?utm_source=ig_embed
Aktrisa 21-mart kuni The New Yorker gazetasiga bergan intervyuda “Taxtlar o‘yini” serialini suratga olish davomida insult va uch marta miya operatsiyasini boshidan o‘tkazganini aytgan. Shu vaqtgacha u kasalligini rad etib kelgan. Hatto hamkasblari ham uning kasalligini bilmagan. Faqatgina “Taxtlar o‘yini” suratga olish guruhi rahbariyati bundan ogoh bo‘lgan. 2011-yilda sodir bo‘lgan insultdan so‘ng unda afaziya — nutqning buzilishi boshlangan.
“Og‘ir ahvolda qolganimda shifokorlarga o‘lishimga imkon berishlarini so‘rardim. Mening ishim — hayotim qanday bo‘lishi haqidagi orzularim nutqim, muloqot qilishim bilan bog‘liq edi. Busiz o‘zimni yo‘qotib qo‘ygandek sezardim”, —deb xotirlaydi aktrisa.
Baxtiga, afaziyadan qutilgan, biroq u muntazam ravishda bosh miya MRT tekshiruvidan o‘tib turishi kerak bo‘lgan. Chunki unda yana bir anevrizma aniqlangan bo‘lib, uning holatini doim nazorat qilib turish kerak bo‘lgan.
2013-yilda aktrisaga anevrizmani olib tashlash bo‘yicha jarrohlik amaliyoti o‘tkazilgan. Jarrohlik operatsiyasi paytida ko‘p qon ketishi oqibatida bu safar ochiq bosh miyada boshqa bir operatsiyani o‘tkazishga to‘g‘ri kelgan. Shu sababli uning boshida katta chandiq qolgan. Bosh suyagining bir qismi esa titan plastinasidan iborat.
Klarkning aytishicha, olti yildan so‘ng uchinchi operatsiyani o‘tkazgandan keyin o‘zini juda yaxshi his qilmoqda. U bosh miya jarohati yoki insultga chalingan bemorlar davolanishiga yordam ko‘rsatuvchi SameYou fondi asoschilaridan biri hisoblanadi.
Izoh (0)