Buxoro shaxridagi ayrim korxona rahbarlari bilan til biriktirgan elektr tarmoqlari korxonasi xodimi A.Ahmedov pora evaziga elektr hisoblash uskunasini maxsus elektron dastur orqali asbobning xotirasidagi ko‘rsatkichlarni o‘chirib, iste’mol qilingan elektr energiyasi sarfini kamaytirgan. Oqibatda, A.Ahmedov davlat manfaatlariga 135 millon so‘m zarar etkazganligi aniqlangan. Bu haqda “Daryo”ga Bosh Prokuratura huzuridagi Majburiy ijro byurosi matbuot xizmati ma’lum qildi.
Shuningdek, tekshirishlar natijasida Buxoro elektr tarmoqlari korxonasining bir necha xodimlari Ya.Sultonov, B.Samiyev, B.Fozilovlar ham korxona rabarlari bilan til biriktirib elektr energiyasi sarfini kamaytirib, davlat manfaatlariga jami 134 million so‘m zarar etkazgani aniqlangan.
Mazkur holatlar yuzasidan Jinoyat ishlari bo‘yicha Romitan tuman sudining hukmiga asosan yuqoridagi fuqarolarga nisbatan Jinoyat kodeksining 214-moddasi 3-qismi va 185-2-moddasi 4-qismi bilan tegishli jazo tayinlangan va yetkazilgan 269 million so‘m zarar to‘liq qoplangan.
Izoh (0)