AQShning Illinoys shtati politsiyasi yon tomonga ag‘anagan mashinaning atrofida loyga belangan cho‘chqa bolalarining qanday qilib qaytib kelishi tasvirlangan suratni chiqardi, deya yozadi Forum Daily.
“Bo‘lib o‘tgan hodisa tufayli 3000 ga yaqin cho‘chqachalar mashinadan chiqib ketgan va yo‘ldagi loyda cho‘milish baxtiga muyassar bo‘lgan. Voqea joyida soldatlar ishlamoqda. Ular bunday Spa-muolajasi mijozlarini yig‘ishga yordam bermoqda”, — deb yozadi shtat politsiyasi o‘zining Twitter sahifasida.
Avariya haydovchi o‘zini yomon his qilgani natijasida sodir bo‘lgan. U noto‘g‘ri yo‘lakdan yurgani uchun sudga chaqiruv qog‘ozi berilgan.
Tirik qolgan cho‘chqachalar Indiana shtatiga olib ketilgan. Hodisa natijasida hech kim jarohat olmagan.
Yo‘lni tozalash kun bo‘yi davom etgan.
Keyinchalik rasmiylar mahalliy politsiya boshqarmasiga, yong‘in xavfsizligi bo‘limiga, transport vazirligi va boshqa bir qancha agentliklarga cho‘chqachalarni yig‘ib, manzilga yetkazgani uchun minnatdorchilik bildirgan.
Izoh (0)