Xitoyning Szyansu provinsiyasidagi kimyo zavodida ro‘y bergan falokat oqibatida halok bo‘lganlar soni 64 kishiga yetdi, deb xabar berdi “TASS”.
Xabarda aytilishicha, 90 nafardan ortiq jabrlangan og‘ir ahvolda qolmoqda, yana 28 kishi bedarak yo‘qolgan deb topilgan. Halokat sodir bo‘lgan joyda qutqaruv-qidiruv ishlari davom etmoqda. Bedarak yo‘qolganlarning shaxsi hozircha aniqlanmagan.
Portlash 21-mart kuni Yanchen tumanidagi kimyoviy zavodda sodir bo‘lgan. Portlash kuchi tufayli besh kilometr uzoqlikda joylashgan uylarning ham derazalari sinib ketgan.
Favqulodda vaziyat sodir bo‘lgan hududda joylashgan 16 ta kasalxona 600 nafardan ortiq turli jarohat olgan odamlarni qabul qilgan.
Izoh (0)