Vatanida salkam 2 milliard dollar miqdoridagi firibgarliklarda ayblanayotgan hindistonlik biznesmen Nirav Modi mamlakati rasmiylari so‘roviga asosan London politsiyasi tomonidan qo‘lga olindi. Bu haqda “Interfax” xabar bermoqda.
Dunyoning yirik 16 ta shahrida o‘z do‘konlariga ega Nirav Modi brendi va yillik tushumi 2,3 milliard dollardan oshadigan Firestar Diamond kompaniyasi asoschisi hind milliarderlari ro‘yxatida 85-o‘rinda qayd etilgan. Uning zargarlik ishlari kino yulduzlari orasida mashhur bo‘lib, mijozlari orasida Keyt Uinslet, Taraji Xenson va Priyanka Chopra ham bo‘lgan.
Modi Hindistonni 2018-yil yanvarida tark etgan, shundan so‘ng mamlakatning ko‘lami bo‘yicha ikkinchi yirik banki — Punjab National Bank (PNB) u bilan bog‘liq 1,77 milliard dollar miqdoridagi firibgarlik tranzaksiyalarini aniqlagandi. Keyinchalik bu summa yanada ko‘paygan.
Hindiston rasmiylari Modi va uning oilasiga tegishli 17 ta uy, do‘kon va ofislarda tintuv o‘tkazgan hamda brilliant, tilla, zargarlik buyumlari va milliardlab rupiyga teng naqd pullarni musodara qilgan.
Izoh (0)