Corriere dello Sport nashri Yevropaning yetakchi chempionatlarida to‘p suradigan futbolchilar samaradorligini o‘rganib chiqdi.
Gollar/daqiqalar nisbati bo‘yicha eng yaxshi ko‘rsatkich Dortmundning “Borussiya” klubi hujumchisi Pako Alkaserga tegishli. U har 62 daqiqada gol urmoqda. Ispaniyalik hisobida joriy mavsumda urilgan 14 ta gol mavjud.
Mazkur ko‘rsatkichda PSJ hujumchisi Kilian Mbappe (26 ta gol) 2-o‘rinda bormoqda. U har 72 daqiqada raqib darvozasini ishg‘ol qilmoqda. “Barselona” hujumchisi Lionel Messi (29 ta gol) esa 74 daqiqa bilan uchinchi pog‘onani band qilgan.
Bundan tashqari top-10 talikdan Edinson Kavani (PSJ, 17 ta gol/har 76 daqiqa), Neymar (PSJ, 13/87), Arkadiush Milik (“Napoli”, 15/106), Luka Yovich (“Ayntraxt”, 15/107), Serxio Aguero (“Manchester Siti”, 18/107), Fabio Kvalyarella (“Sampdoriya”, 21/117) va Kshishtof Pyontek (“Milan”, 19/114) ham o‘rin olgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!