17-aprel kuni Singapurda balandligi 40 metr bo‘lgan sharshara joylashgan Jewel Changi aeroporti ochiladi, deb yozadi TJournal.
Ko‘p tarmoqli aeroport binosining ichki qismi chakalakzor ko‘rinishida bo‘lib, u sayr qilish maydonidan tashqari bog‘lar, attraksionlar, mehmonxona, aviatsiya obyektlari va taxminan 300 ta do‘kon hamda restoranlarni o‘z ichiga oladi.
Bino katta teshik kulcha shaklidagi gumbaz bilan qoplangan bo‘lib, uning markazidan suv oqadi. Yetti qavatli uy balandligidan oqadigan suv sovitish tizimining bir qismi hisoblanib, undan binoni konditsionerlashda qayta foydalaniladi.
Sharshara atrofini 200 turdagi o‘simliklardan iborat terrasa o‘rab turadi.
Ushbu loyiha ustida ishlagan arxitektorning so‘zlariga ko‘ra, shu kabi inshootni ochiq havoda yoki tomi ochiluvchi binoda ham qurishni xohlaydi.
Izoh (0)