“Sampdoriya” hujumchisi Fabio Kvalyarella 16-mart, shanba kuni bo‘lib o‘tgan A Seriyaning 28-turida “Sassuolo” davozasini ishg‘ol qildi (5:3).
36 yoshli hujumchi Italiya chempionatida 27 ta uchrashuvda maydonga tushib 21 ta gol urdi va to‘purarlar bahsida Krishtianu Ronaldu (“Yuventus”) hamda Kshishtof Pyontekni (“Milan”) ortda qoldirib, yetakchilik qilmoqda. Ularning hisobida 19 tadan gol mavjud.
Mazkur bellashuvda Kvalyarella gol urishdan tashqari bitta golga uzatma ham berdi va bu borada A Seriyada o‘z shaxsiy rekordini o‘rnatdi (7 ta golga assist).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)