1-mart, juma kuni futbol bo‘yicha Ispaniya chempionatining 26-turiga start berildi.
Turning dastlabki o‘yini “Rayo Valyekano” hamda “Jirona” klublari qarshiligi ostida kechdi. Uchrashuvning 30 va 85-daqiqalarida Kristian Stuanining kiritgan gollari “Jirona”ga g‘alaba keltirdi.
2-mart, shanba kuni musobaqa jadvalida 5-o‘ringa tushib qolgan Pablo Machin qo‘l ostidagi “Sevilya” klubi safarda “Ueska” bilan bahsga kirishadi. Uchrashuv Toshkent vaqti bilan soat 22:30 da boshlanadi.
Shu kuni mazkur turning markaziy o‘yini “Santyago Bernabeu” stadionida kechadi. Unda ikki azaliy raqib “Real Madrid” hamda “Barselona” klublari o‘zaro jang qiladi. To‘qnashuv tungi vaqt bilan 00:45 da start oladi.
Eslatib o‘tamiz, “Qirollik klubi” 27-fevral, chorshanba kuni bo‘lib o‘tgan Ispaniya Kubogi yarim finalining javob uchrashuvida Kataloniya klubiga yirik 0:3 hisobida mag‘lub bo‘lgandi.
3-mart, yakshanba kuni 50 ochko to‘plagan holda musobaqa jadvalida 2-o‘rinda borayotgan Madridning boshqa bir klubi “Atletiko” mehmonda “Real Sosyedad”ni sinovdan o‘tkazadi. O‘yin 22:30 da boshlanishi belgilangan.
25-turdan so‘ng musobaqa jadvalidagi holat:
La Liga
26-tur bahslari
1-mart, juma
“Rayo Valyekano”—“Jirona” 0:2
Gollar: 0:1 — 30 Stuani, 0:2 — 85 Stuani2-mart, shanba
“Espanyol”—“Valyadolid” 17:00
“Vilyarreal”—“Alaves” 20:15
“Ueska”—“Sevilya” 22:30
“Real Madrid”—“Barselona” 00:45
3-mart, yakshanba“Eybar”—“Selta” 16:00
“Betis”—“Xetafe” 20:15
“Real Sosyedad”—“Atletiko Madrid” 22:30
“Valensiya”—“Atletik Bilbao” 00:45
“Leganes”—“Levante” 01:00
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)