Kanadaning Kingston shahridagi Food Basics do‘koni bir kun davomida qo‘riqchi va kassirsiz ishladi, deya xabar beradi “ForumDaily”. Shunga qaramay xaridorlar xarid amalga oshirib, pulni kassaga tashlab ketgan.
Food Basics do‘koni xodimlari ham, rahbariyati ham do‘kon ochiq qolgani haqida bilmagan, shu bois Kingston aholisi mahsulotni bepul olib ketishi ham mumkin edi. Ayrimlar do‘kon nima sababdan bunday holatda qoldirilganini aniqlashga urungan.
Anonim guvohlardan biri jurnalistlarga qo‘lida ikki xalta pomidor bilan chiqib ketgan erkak haqida so‘zlab berdi. Xaridordan pomidorlar haqida so‘ralganida, u pomidorlar uchun 5 dollar tashlab ketgani ma’lum bo‘lgan.
Do‘konga politsiya chaqirtirilgan, ofitserlar do‘kon boshqaruvchisi bilan bog‘langan. Menejerning so‘zlariga ko‘ra, bir kunda hech narsaga zarar ham yetmagan hech narsa o‘g‘irlanib ham ketilmagan.
Izoh (0)