O‘zbekiston Respublikasi DXX chegara qo‘shinlari vakili bayonotidan ma’lum bo‘lishicha, joriy yilning 20-fevral kuni chegara qo‘shinlari O‘zbekistonga tovar-moddiy qimmatliklar katta partiyasining noqonuniy olib kirilishi oldini oldi.
Bayonotga ko‘ra, Namangan viloyati Uychi tumanidagi chegaradosh Maydon aholi punktida tovarlarni davlat chegarasidan noqonuniy olib o‘tishga urinish chog‘ida 10 nafar qonunbuzar qo‘lga olingan. Voqea joyini ko‘zdan kechirish chog‘ida qiymati 200 million so‘mdan ziyod elektr maishiy uskunalar va dori-darmonlar topilgan.
Ushbu holat bo‘yicha dastlabki tergov olib borilmoqda.
Izoh (0)