Samarqand viloyati IIB va Samarqand viloyati huquqni muhofaza qiluvchi organlar hamkorlikda tezkor rejalar asosida amalga oshiriladigan chora-tadbirlar maxsus rejalariga aniqliklar kiritish, rejalarni amalda sinab ko‘rish hamda hamkorlikni oshirish maqsadida nazariy va amaliy o‘quv mashg‘ulotlari o‘tkazildi. Bu haqda “Daryo”ga viloyat IIB matbuot xizmati xabar bermoqda.
O‘quv mashg‘ulotlari davomida avtotransportda qochayotgan qurollangan jinoyatchilarni qo‘lga olish, obyektda joylashgan qurollangan jinoyatchilarni qo‘lga olish bo‘yicha amaliy mashg‘ulotlar o‘tkazildi. Shuningdek, ommaviy tartibbuzarliklarni bartaraf etish, portlovchi qurilmani zararsizlantirish kabi shartli holatlar bo‘yicha amaliy harakatlar amalga oshirilib, bu borada shaxsiy tarkibning jangovar shayligini oshirishga erishildi.
Mashg‘ulotlar davomida barcha maxsus rejalarga aniqliklar kiritildi. Aniqlangan kamchiliklar rahbariyat huzurida muhokama etilib, ularni bartaraf etish bo‘yicha chora-tadbirlar belgilab olindi.
O‘tkazilgan mashg‘ulotdan ko‘zlangan natijaga erishildi, mashg‘ulot davomida o‘z vazifalariga sidqidildan yondashgan xodimlar faxriy yorliqlar bilan taqdirlandi.
Izoh (0)