Bugun, 20-fevral kuni Axborot va ommaviy kommunikatsiyalar agentligi press-xollida “O‘zbekistonda avtomobil yo‘llari qurilishi: yutuq va muammolar” mavzusida matbuot anjumani bo‘lib o‘tdi. Bu haqda “Daryo” muxbiri Sevara Nishonova xabar berdi.
Tadbirda O‘zbekiston avtomobil yo‘llari davlat qo‘mitasi rahbar xodimlari OAV vakillarini qiziqtirgan savollarga javob berdi. Ana shunday savollardan biri Toshkentdagi yo‘l o‘tkazgichlardagi liftlar nega ishlamasligi haqida bo‘ldi.
“Yo‘l o‘tkazgichlardagi liftlarga xizmat ko‘rsatish shaharning obodonlashtirish boshqarmasi tomonidan lift nazoratchisi yollanib, u har kuni liftni ko‘zdan kechirib, uning sozligiga mas’ul bo‘lishi kerak. Chunki bunday liftlar odamlar notog‘ri foydalanishi, tugmani noto‘g‘ri bosishi oqibatida buzilib qolishi mumkin.
Yo‘l o‘tkazgichlardagi liftlar juda qimmat jihoz bo‘lib, biz undan to‘g‘ri foydalanishimiz va avaylashimiz kerak. Quruvchilar yo‘lo‘tkazgichni qurib topshirganlaridan keyin uni nazorat qilish ekspluatatsion xizmatlarning zimmasiga yuklanadi”, — deydi O‘zbekiston avtomobil yo‘llari davlat qo‘mitasi raisining birinchi o‘rinbosari Shuhrat Nazarov.
Izoh (0)