Germaniyaning Mannhaym shahrida O‘zbekiston tasviriy va amaliy san’ati namoyishiga bag‘ishlangan ko‘rgazma o‘z ishini boshladi, deya xabar berdi O‘zA.
Germaniyadagi OPASCA GOS kompaniyasi va uning mamlakatdagi vakolatxonasi tomonidan tashkil etilgan tadbir ikki davlat o‘rtasidagi madaniy aloqalarni mustahkamlashga qaratilgan.
Ko‘rgazma ekzpozitsiyasidan taniqli rassomlar Mariya Korovina, Muhammad Fozil va Murod Fozilning ijod namunalari joy olgan.
“Maqsad nafaqat O‘zbekiston tasviriy san’ati, balki amaliy san’at, hunarmandchilik va dizayn yo‘nalishlarida yaratuvchanlikni targ‘ib qilish, nemis xalqini bu zaminning o‘ziga xos milliy udumlari singdirilgan asarlardan bahramand etishdir.
Ko‘rgazmada qirqdan ortiq tasviriy san’at asarlari taqdim etilmoqda. O‘ylaymanki, bunday ijodiy hamkorlik yangi asarlar yaratilishiga turtki bo‘ladi”, – dedi mazkur loyiha tashkilotchisi Lev Sverdlov.
Izoh (0)