“Daryo” tahririyatiga 1995-yil 21-yanvarda Samarqand shahrida tavallud topgan ayni kunlarda Rossiyaning Sankt-Peterburg shahrida bo‘lib turgan Mohichehra Murodova ismli mushtipar ona yordam so‘rab murojaat qildi.
Uning ma’lum qilishicha, 2017-yilning 19-iyul kuni boshiga og‘ir kulfat tushgan. Ayolning 4 yoshli farzandi Alibek Murodov 2017 yil 19 iyul kuni baxtsiz hodisaga uchragan. U o‘shanda ko‘p qavatli uyning to‘rtinchi qavatidan pastga yiqilib tushadi va og‘ir tan jarohatlari bilan shifoxonaga yotqiziladi.
Tomog‘i, nafas yo‘llari , boshi va yuz qismi qattiq shikastlanganligi uchun Alibek nafas ololmaydi.
Hozirda tomog‘iga plastmassa qo‘yilgan. Ayni paytda tomog‘idagi trubka(naycha) orqali nafas oladi.
Alibek hozirgacha bir necha marta jarrohlik amaliyotidan o‘tgan.
Eng yomoni, bemor bolakayning tomog‘ida turgan trubka bir kunda ikki marta balg‘amga to‘lganida, nafasi qisa boshlar ekan. Trubkani tomoqdan sug‘urib olib, tozalash kerak. Onasi bolaning azoblanib dodlashiga chiday olmaydi. Oyoq-qo‘lini bosib turishadi. Bu ishni otasi bajaradi. Har kuni ikki marta og‘riq va uqubat... Ovqatlanish jarayoni ham og‘riqli kechadi.
“Farzandimni bo‘ynidagi trubka unga azob beryapti. Trubkani olishlari kerak ekan tez orada. Operatsiya shu yilda bo‘lishi kutilmoqda.
Operatsiyasi va davolanish muolajalariga jami 600 000 rubl, yani 8000 AQSh dollaridan ortiq mablag‘ talab etilmoqda. Davolanish muolajalarini davom ettirishiga va operatsiya bulishiga moddiy tomondan imkonimiz yo‘qligi sabab boshimiz qotgan. Turmush o‘rtog‘im ishlaydilar. Topganlari ijara haqidan ortmaydi. Moddiy tomondan ancha qiynalib qoldik.
Allohni irodasi ekan. Onajonim 2016-yilda, otajonim esa 2005-yilda jigar serrozi xastaligidan vafot etganlar.
Bir necha yillardan buyon uysiz-joysiz sarson sargardonmiz. Juda xam qiyin vaziyatda qoldik. Saxovatpesha yurtdoshlarimiz o‘g‘limning operasiya bo‘lib sog‘ayib ketishida imkonlari bo‘lsa xolis moddiy yordam bersalar mingdan ming bor minnatdor bo‘lardim”, — deydi Alibekning onasi.
Oila ayni paytda Rossiya Federatsiyasining Sankt-Peterburg shahridagi ko‘p qavatli uylarning birida ijarada har oyiga 150 AQSh dollari miqdorida mablag‘ to‘lab yashab kelishadi. Ijara haqini o‘z vaqtida to‘lashga xam oilaning imkoniyati yetmay qolgan.
Bolaning davolanishi, operasiyasi va dori-darmonlar xarid qilinishi uchun katta miqdorda mablag‘ zarur. Biz barchadan uning davolanishiga va operasiyasiga baholi qudrat ko‘mak ko‘rsatishni so‘rab qolamiz.
Xayriya qilmoqchi bo‘lganlar uchun kerakli ma’lumotlar:
Plastik karta orqali: (Click, Payme)
Qarindoshi Egamberdiyeva Gulchehra nomiga ochilgan
Agrobank: 8600 0423 1578 3646
Rossiyadagi saxovatpesha yurtdoshlarimiz uchun turmush urtog‘i Dilshodjon Nazarovning nomiga ochilgan Sberbank Visa plastik kartasining hisob raqami:
4276 5500 4019 7306
Xorijdan bankdan mablag‘ yubormoqchi bo‘lganlar uchun otasining pasport ma’lumotlari:
Dilshodjon Nazarov Yo‘ldoshevich
Pasport raqami: AA 6949526
Onasi Mohichehra Murodovaning telefon raqami:
Telegram,Imo: +7904 632 94 90.
Izoh (0)