2-fevral, shanba kuni futbol bo‘yicha Angliya premyer ligasining 25-turi doirasida 6 ta uchrashuv yakunlandi.
Musobaqa jadvalida 4-o‘rinda borayotgan Londonning “Chelsi” klubi o‘z maydonida “Haddersfild”ni sinovdan o‘tkazdi.
Bellashuvning 16-daqiqasida Ngolo Kante uzatgan to‘pni Gonsalo Iguain kuchli zarb bilan raqib darvozasiga joylab qo‘ydi. Bu argentinalik futbolchining Premyer liga musobaqasidagi dastlabki goli hisoblanadi. 1-bo‘limning so‘nggi daqiqalarida hakam tomonidan “Haddersfild” darvozasi tomon penalti belgilandi. London klubi yetakchisi Eden Azar bundan unumli foydalandi va hisobni 2:0 ko‘rinishiga olib keldi.
2-bo‘limning 66-daqiqasida Eden Azar jamoasining 3-golini urdi va dublga erishdi. Oradan 3 daqiqa o‘tib Gonsalo Iguain hisobni yiriklashtirdi va u ham dubl qayd etdi. 86-daqiqada esa David Luis burchak zarbasidan oshirilgan to‘pga boshi bilan zarba berdi va himoyachiga teggan to‘p darvoza to‘ridan joy oldi (5:0).
Shu tariqa Mauritsio Sarri shogirdlari “Haddersfild” darvozasiga javobsiz 5 ta gol urdi va 3 ochkoga ega bo‘ldi.
APL
25-tur bahslari
2-fevral, shanba
“Brayton”—“Uotford” 0:0
“Byornli”—“Sauthempton” 1:1
Gollar: 0:1 — 55 Redmond, 1:1 — 90 Barns.“Chelsi”—“Haddersfild” 5:0
Gollar: 1:0 — 16 Iguain, 2:0 — 45, penalti, Azar, 3:0 — 66 Azar, 4:0 — 69 Iguain, 5:0 — 86 Luis.“Kristal Pelas”—“Fulhem” 2:0
Gollar: 1:0 — 25 Milivoyevich, 2:0 — 87 Shlupp“Everton”—“Vulverhempton” 1:3
Gollar: 0:1 — 7, penalti, Neves, 1:1 — 27 Gomish, 1:2 — 45 Himenes, 1:3 — 66 Dendonker.“Kardiff”—“Bornmut” 2:0
Gollar: 1:0 — 5, penalti, Rid, 2:0 — 46 Rid.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)