Afg‘oniston hududida 2-fevral, shanba kuni Toshkent vaqti bilan 17:04 da zilzila yuz berdi. FVVning Respublika seysmoprognostik monitoring markazi ma’lumotlariga ko‘ra, zilzila markazi Toshkentdan 453 kilometr janubda joylashgan.
Epitsentrda zilzila kuchi 5,4 magnitudani tashkil etgan; zilzila o‘chog‘i 100 kilometr chuqurlikda ekani aytilmoqda. O‘zbekiston shaharlarida yerosti silkinishlari kuchi 2 balldan oshmagan.
Xususan, Toshkent, Namangan, Andijon, Guliston, Farg‘ona, Guliston, Jizzax, Samarqand, Termiz, Qarshi, Navoiy shaharlarida yerosti silkinishlari kuchi 2 ballni tashkil etgan.
“O‘zbekistonning boshqa hududlarida seysmik faollik kuzatilmadi. Vayronagarchiliklar va tan jarohati olganlar haqida axborot kelib tushmadi”, — deyiladi FVV axborotida.
Izoh (0)