Navoiy viloyati Xatirchi tumani prokuraturasi YPX xodimlari tomonidan kaltaklangan haydovchi holati bo‘yicha tergovga qadar tekshirish harakatlarini o‘tkazmoqda. Bu haqda “Daryo”ga Bosh prokuratura matbuot xizmati ma’lum qildi.
23-yanvar kuni sog‘ligi yomonlashgan Isroil Xudoynazarov kasalxonaga murojaat qilib, YPX xodimlari unga nisbatan kuch ishlatib, tan jarohati yetkazgani haqida ma’lum qilgan. Tez yordam bo‘limi tuman IIB navbatchilik qismiga xabar beragan.
Tuman prokuraturasi tomonidan o‘tkazilgan tergovga qadar tekshirish harakatlari davomida Isroil Xudoynazarov 21-yanvar kuni soat 18:00dan keyin Nexia-2 avtomashinasida uyiga qaytayotganida, tuman markazida YPX xodimlari unga to‘xtash ishorasini ko‘rsatgan. Ammo spirtli ichimlik iste’mol qilgani uchun qonuniy talabga bo‘ysunmay, harakatni davom ettirgan. Xodimlar uni ta’qib qilganini ma’lum qilgan.
Isroil Xudoynazorovga ko‘ra, YPX xodimlari Xo‘jaqo‘rg‘on mahallasidagi “Navro‘z” kafesi oldida yetib olib, unga nisbatan kuch ishlatib, tan jarohati yetkazgan.
Mazkur holat bo‘yicha so‘ralgan viloyat IIB YHXB xodimlari B.Sh. va Sh.O.lar tushuntirishlarida, fuqaro Isroil Xudoynazarovga nisbatan kuch ishlatmaganliklari, uni urib tan jarohati yetkazmaganligini ma’lum qilgan.
IIB xodimlariga ko‘ra, Isroil Xudoynazarov qochayotgan vaqtida shox-shabbalarga urilib, yerga yiqilgani natijasida tan jarohatlarini olgan.
Bundan tashqari, IIB xodimlari mast holda avtomobilni boshqargan Isroil Xudoynazorovga nisbatan ma’muriy bayonnoma tuzganliklarini aytgan.
Kun.uz Xatirchi tuman markaziy shifoxonasining bosh travmatologi Uchqun Haqqulov bilan suhbatlashgan.
Bemor shifoxonaga kelganda uning ahvoli o‘rta og‘ir darajada edi. Zarur tibbiy ko‘riklar amalga oshirildi. Unda chap tomonlama 5 va 8-qovurg‘alar yopiq sinishi, ikkala yonoq ko‘karishi, zarba tufayli boshining chap tomoni lat yeyishi aniqlangan. Ushbu holat yuzasidan tegishli organlarga xabar berdik. Ayni vaqtda davolash jarayoni davom etmoqda.Voqea guvohi Anvar Qozoqov esa Kun.uz bilan suhbatga quydagilarni bayon qilgan:Uchqun Haqqulov, Bosh travmatolog
Kechki payt ‘Navro‘z’ kafesi yonidan o‘tib ketayotganimda, devor ortida baqir-chaqir tovushlarni eshitdim. Borib qarasam, ichki ishlar xodimlari bir kishini ayovsiz kaltaklamoqda. Formada bo‘lishgani uchun aralasholmadim.Voqea bo‘yicha tergovga qadar tekshiruv tayinlangan. Haqiqatni aniqlash bo‘yicha choralar ko‘rilmoqda.
Izoh (0)