Ekvadorning Guayakil shahridagi giyohvand va piyonista shaxslarni davolash markazida chiqqan yong‘in oqibatida 18 kishi halok bo‘ldi. Bu haqda “Korrespondent.net” xabar qildi.

Foto: Korrespondent.net

11-yanvar kuni yuz bergan yong‘inni bartaraf etish uchun 60 dan ortiq qutqaruvchilar jalb qilingan. Huquqni muhofaza qilish organlari yong‘in sababini o‘rganyapti.

Tutundan zaharlanish oqibatida 17 kishi voqea joyida halok bo‘lgan, bir kishi kasalxonaga olib ketilayotganda olamdan ko‘z yumgan.

Bundan tashqari, yong‘in natijasida nafas olish yo‘llari zarar ko‘rgan bir necha kishi shifoxonaga yotqizilgan.