29-dekabr, shanba kuni futbol bo‘yicha Italiya A Seriyasining 19-tur bahslari bo‘lib o‘tdi.
Rimning “Roma” klubi “Parma” maydoniga safar qildi va raqib darvozasiga javobsiz 2 ta to‘p kiritdi. Barcha gollar o‘yinning 2-bo‘limida urildi. 58-daqiqada Brayan Kristante hisobni ochgan bo‘lsa, 75-daqiqaga kelib, Jengiz Under 2-golga mualliflik qildi.
Milanning “Inter” klubi mehmonda “Empoli”ga qarshi maydonga tushdi. Balde Keytaning 72-daqiqada kiritgan yagona goli evaziga milanliklar g‘alabani ilib ketdi.
Ushbu turda Karlo Anchelotti boshqaruvidagi “Napoli” jamoasi “Bolonya” qabul qildi. Uchrashuvning 16-daqiqasida mezbon jamoa hujumchisi Arkadiush Milik “Bolonya” darvozasini ishg‘ol etdi. 37-daqiqada esa mehmonlar a’zosi Federiko Santander hisobni tenglashtirdi. 2-bo‘limning 51-daqiqasida Arkadiush Milik dublga erishdi. O‘yinning 80-daqiqasiga kelib, Larangeyra Danilo hisobni yana tenglashtirdi. Uchrashuv yakunlanishi arafasida (88-daqiqa) Dris Mertens “Boloniya” darvozasiga g‘alaba golini urdi. Hisob 3:2 ko‘rinishida “Napoli” foydasiga yakunlandi.
Italiya A Seriyasining 19-tur bahslaridagi so‘nggi o‘yin “Milan” va SPAL o‘rtasida bo‘lib o‘tdi. Ushbu uchrashuvda milanliklar 2:1 hisobida g‘alabaga erishib, 3 ochkoni qo‘lga kiritdi. SPAL futbolchisi Andrea Petanya 13-daqiqada hisobni ochgan bo‘lsa, oradan 3 daqiqa o‘tib Samu Kastilyeho hisobni tenglashtirdi (1:1).
2-bo‘limning 64-daqiqasida “rossonerilar” hujumchisi Gonsalo Iguain Alfred Gomis qo‘riqlayotgan darvozani ishg‘ol etib, uchrashuvga yakuniy nuqtani qo‘ydi.
A Seriya
19-tur bahslari
29-dekabr, shanba
“Yuventus”—“Sampdoriya” 2:1
Gollar: 1:0 – 2 Ronaldu, 1:1 – 33 Kualyarella (penalti), 2:1 – 65 Ronaldu (penalti).“Kyevo”—“Frosinone” 1:0
Gol: 1:0 – 76 Jakkerini.“Udineze”—“Kalyari” 2:0
Gollar: 1:0 – 39 Pussetto, 2:0 – 57 Bexrami.“Sassuolo”—“Atalanta” 2:6
Gollar: 0:1 – 19 Sapata, 0:2 – 42 Gomes, 1:2 – 51 Dankan, 1:3 – 54 Manchini, 2:3 – 57 Dankan, 2:4 – 74 Ilichich, 2:5 – 87 Ilichich, 2:6 – 90 Ilichich.“Latsio”—“Torino” 1:1
Gollar: 0:1 – 45, penalti Belotti, 1:1 – 62 Milinkovich-Savich.“Parma” – “Roma” 0:2
Gollar: 0:1 – 58 Kristante, 0:2 – 75 Under.“Empoli” – “Inter” 0:1
Gol: 0:1 – 72 Balde.“Napoli” – “Bolonya” 3:2
Gollar: 1:0 – 16 Milik, 1:1 – 37 Santander, 2:1 – 51 Milik, 2:2 – 80 Danilo, 3:2 – 88 Mertens.“Milan” – SPAL 2:1
Gollar: 0:1 – 13 Petanya, 1:1 – 16 Kastilyexo, 2:1 – 64 Iguain.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)