Ikki mamlakatning temir va avtomobil yo‘llarini birlashtirishga bag‘ishlangan marosim KXDRning Pxanmun stansiyasida bo‘lib o‘tdi. Bu haqda “Vesti” xabar bermoqda.
Tadbirda Seul va Pxenyandan ikki yuzga yaqin odam ishtirok etgan. Shuningdek, Rossiya, Xitoy va Mo‘g‘ulistondan mehmonlar taklif etilgan.
Ma’lum qilinishicha, mazkur tadbir ramziy hisoblansa ham, marosimni o‘tkazish uchun Janubiy Koreya hukumati olti yuz mingdan ortiq dollar sarflagan. Aslida yo‘llarni birlashtirish bo‘yicha biror-bir amaliy ishlar bajarilmagan.
Ikki Koreyaning rahbarlari ushbu loyihani amalga oshirish bo‘yicha avvalroq kelishib olgandi. Ushbu loyiha Koreya yarimoroliga tinchlik olib kelishga qo‘yilgan yana bir qadam deb baholangan.
Izoh (0)