Rossiyaning Yugra avtonom okrugida yashovchi erkak Yangi yil sovg‘alarini bolalarga tarqatish uchun o‘g‘irladi. Bu haqda Rossiya IIVning hududiy boshqarmasi xabar bergan.
O‘g‘rilik haqida energetika kompaniyalaridan birining xodimi politsiyaga xabar bergan. Xodim firma xodimlari uchun mo‘ljallangan sovg‘alarni noma’lum erkak olib ketayotganiga guvoh bo‘lgan.
Qisqa vaqt ichida politsiyachilar o‘g‘rining shaxsini aniqlashga muvaffaq bo‘lgan. U avval o‘g‘rilik va hokimiyat vakiliga zo‘ravonlik qilgani uchun sudlangan 37 yoshli erkak bo‘lib chiqqan.
Tergov talqiniga ko‘ra, erkak o‘zining o‘rtoqlari yashaydigan uyning eshigi oldiga bayram sovg‘alari tushirilayotganini ko‘rgan. U kuryerning ketishini kutgan va ikkita qutini o‘g‘irlagan. O‘g‘irlangan sovg‘alarni erkak o‘z tanishlarining bolalariga bergan. Qayd etilishicha, jinoyat sodir etiulgan vaqtda erkak hushyor holatda bo‘lmagan.
Izoh (0)