“G‘ishtko‘prik” nazorat-o‘tkazish punktida yaqin orada yangi terminal ishga tushiriladi. Bu haqda Bojxona qo‘mitasi bojxona nazoratini tashkillash boshqarmasi boshlig‘i Rustam Qobulov ma’lum qildi, deya xabar beradi “Podrobno.uz”.
“Hozirda amaldagi terminal ikki qismga ajratilgan. Biri kirib kelayotgan, ikkinchisi chiqib ketayotgan fuqarolarga xizmat qiladi. Yangi terminal ishga tushganidan so‘ng undan faqat chiqish uchun foydalaniladi va bu chegaradan o‘tish jarayonini sezilarli ravishda tezlashishiga olib keladi”, — deydi Rustam Qobulov.
Mutasaddiga ko‘ra, hozirda post orqali har kuni 20-25 ming kishi o‘tmoqda. Yangi terminal ishga tushganidan so‘ng uning o‘tkazish imkoniyati ikki barobarga oshadi.
Terminal joriy yil dekabr oyi oxiriga qadar foydalanishga topshirilishi ko‘zda tutilgan.
Izoh (0)