“Chelsi” Iguainni qishdayoq sotib olishga harakat qiladi

“Yuventus” hujumchisi Gonsalo Iguain hamon “Chelsi” qiziqishlari doirasida turibdi, deb yozadi Sky Sports.

Futbolchi qishki transferlar vaqtida “aristokratlar” safiga o‘tishi mumkin. Iguain “Chelsi”ning ayni damdagi bosh murabbiyi Mauritsio Sarri bilan “Napoli”da birga ishlagan. Iguain hozirda ijara asosida “Milan”da to‘p surmoqda. O‘z o‘rnida “Milan” London klubining ispaniyalik hujumchisi Alvaro Morataga da’vogar bo‘lib turibdi. Shunday ekan, hujumchilar o‘zaro o‘rin almashishi mumkin.

Qayd etish joiz, Iguainning “Chelsi”ga o‘tishi “Yuventus”ning pozitsiyasiga bog‘liq.

Ma’lumot uchun, Iguain ushbu mavsumda 12 ta o‘yinda maydonga tushib, 5 ta gol urib, 1 ta golga assistentlik qilgan. Morata esa joriy mavsum 14 ta o‘yinda, 5 ta gol urishga erishdi.