Turkmaniston Prezidenti Gurbanguli Berdimuhamedovning yangi kitobi nashrdan chiqdi. Davlat matbuotining ma’lum qilishicha, bu “K novim visotam progressa” (“Taraqqiyotning yangi cho‘qqilari sari”) to‘plamining 11-tomidir, deb yozadi O‘zA.
Ko‘p tomlik kitob turkman, ingliz va rus tillarida nashr qilindi. Kitobga asosan prezident Berdimuhamedovning 2017-yilda so‘zlagan nutqlari, dasturiy chiqishlari, maqolalari, intervyulari va murojaatlari kiritilgan.
“Kitobda xalqaro prinsiplarga binoan Turkmanistonni har tomonlama gullab yashnashi yo‘lida mamlakatda olib borilayotgan konstitutsion va huquqiy islohotlarga katta e’tibor qaratilgan”, deya xabar berdi davlatga qarashli TDX axborot agentligi.
“Navbatdagi kitobda 2017-yilning eng muhim voqeasi sifatida Gurbanguli Berdimuhamedovning ishonchli g‘alabasi bilan yakunlangan prezidentlik saylovlari aks etgan – u uchinchi bor oliy davlat lavozimiga qayta saylandi. Ayni shu faktning o‘zi davlat rahbari tomonidan olib borilayotgan siyosiy yo‘nalish turkman xalqi tomonidan yakdillik bilan qo‘llab-quvvatlanayotganining yorqin ifodasidir”, – deya ta’kidlanadi axborot agentligi xabarida va kitobda ijtimoiy taraqqiyot masalalari aks etgani qayd qilinadi.
Birgina 2017-yilda prezident Berdimuhamedov muallifligida turli mavzularga oid bir nechta kitob nashrdan chiqdi.
Izoh (0)