Toshkent viloyati YPX matbuot xizmatining xabariga ko‘ra, Qamchiq dovoni hududidan o‘tuvchi A 373 “M39 Guliston—Bo‘ka—Angren—Qo‘qon—Andijon orqali O‘sh” avtomobil yo‘lining 214-kilometrida 5-dekabr kuni soat taxminan 18:45 larda haydovchi, 1985-yilda tug‘ilgan K.B. Nexia-2 rusumli avtoulovni Angren—Namangan yo‘nalishida boshqarib ketayotib, uxlab qolishi natijasida yo‘l qurilish ishlarida xizmat ko‘rsatayotgan “IVECO” rusumli maxsus avtokran orqasiga urilib to‘qnashuv sodir etgan.
Nexia avtomashinasi haydovchisining uxlab qolishi oqibatida, o‘zi va yo‘lovchilar 1992-yilda tug‘ilgan Q.F, 1999-yilda tug‘ilgan F.X. 1936-yilda tug‘ilgan A.K.ning umriga zomin bo‘ldi. Ushbu yo‘l transport hodisasi yuzasidan Ohangaron tumani IIB huzuridagi Tergov bo‘limi tomonidan dastlabki tergov harakatlari olib borilmoqda.
Izoh (0)