3-dekabr kuni Riyoz shahrida O‘zbekiston va Saudiya Arabiston Tashqi ishlar vazirliklari o‘rtasidagi siyosiy maslahatlashuvlarning uchinchi raundi o‘tkazildi, deb xabar beradi TIV matbuot xizmati.
O‘zbekiston Tashqi ishlar vaziri o‘rinbosari Dilshod Axatov va Saudiya Arabistoni Tashqi ishlar davlat vaziri Nizar Madani boshchiligidagi ikki mamlakat delegatsiyalari o‘rtasida siyosiy, savdo-iqtisodiy, investitsion, madaniy-gumanitar va boshqa sohalardagi ikki tomonlama munosabatlarni rivojlantirish to‘g‘risida hamda xalqaro va mintaqaviy masalalar bo‘yicha o‘zaro qo‘llab-quvvatlash yuzasidan fikr almashildi.
O‘zbekiston va Saudiya Arabistoni BMT, Islom hamkorlik tashkiloti va boshqa xalqaro tuzilmalar doirasidagi hamkorligiga alohida e’tibor qaratdi.
O‘zbekiston delegatsiyasi Saudiya investitsiyalar bo‘yicha agentligi raisi Ibrohim al-Umar hamda Saudiya taraqqiyot fondi maslahatchisi Yusuf al-Bassam bilan muzokaralar o‘tkazdi. Uchrashuvda savdo-iqtisodiy va investitsion sohalardagi hamkorlikni rivojlantirish muhokama qilindi.
Izoh (0)