O‘zbekiston Mudofaa vazirligi tasarrufidagi oliy harbiy ta’lim muassasalarining kursantlari hamda harbiy xizmatchilaridan tarkib topgan “Sharq yulduzi” terma jamoasi Moskvada bo‘lib o‘tgan “Mudofaa vazirining KVN kubogi” xalqaro festivalida ishtirok etib, 2-o‘rinni egalladi. Bu haqda vazirlik matbuot xizmati “Daryo”ga ma’lum qildi.
Harbiy KVN o‘yinidagi g‘oliblikni Volsk shahridan bo‘lgan “Maxfiy qurol” ayollar jamoasi qo‘lga kiritdi.
Ikkinchi o‘ringa uch jamoa — O‘zbekiston Mudofaa vazirligining “Sharq yulduzi” terma jamoasi, Krasnodarning “Top sekret” hamda Penzaning “Penzalik artileriyachilar” jamoasi munosib deb topildi.
Uchinchi o‘ringa Dalnevostok oliy umumqo‘shin qo‘mondonlik bilim yurtining (Rossiya) “Ostorojno! DVOKU” jamoasi qo‘lga kiritdi.
Umumkiy hisobda KVN finalida sakkkizta jamoa ishtirok etdi. G‘oliblarga sovrinni Rossiya mudofaa vaziri, armiya generali Sergey Shoygu topshirdi.
Kecha, 2-dekabr kuni Islom Karimov nomidagi Toshkent xalqaro aeroportida faxrli o‘rinni qo‘lga kiritgan ishtirokchilarni tantanali ravishda kutib olindi.
Izoh (0)