30-noyabr, juma kuni futbol bo‘yicha O‘zbekiston Superligasining 32-turi bilan mavsum yakuniga yetdi.
So‘nggi turda “Paxtakor” o‘z maydonida “Bunyodkor”ni qabul qilib, 4:0 hisobida g‘alaba qozondi. Tiaga Bezerra het-trikka erishib, mavsum to‘purari bo‘ldi. Yana bir gol so‘nggi daqiqalarda Igor Sergeyev tomonidan kiritildi.
O‘z maydonida 2 yildan beri mag‘lubiyat nimaligini bilmay kelayotgan “Navbahor” so‘nggi turda muddatidan avval chempionlikni qo‘lga kiritgan “Lokomotiv”ni qabul qilib, 0:3 hisobida mag‘lub bo‘ldi. Sardor Rashidov o‘z hisobiga 2 ta gol yozib qo‘ygan bo‘lsa, o‘yinning ikkinchi bo‘limiga qo‘shib berilgan daqiqada Kaxi Maxaradze penaltidan gol urib, “temiryo‘lchilar”ning yirik hisobdagi g‘alabasini ta’minladi.
“Metallurg” jamoasi esa Bekobodda “Buxoro”ni mehmon qilib, Zafar To‘rayevning 41-daqiqada urgan goli evaziga g‘alaba qozondi.
Yuqori oltilikdagi yakuniy holat
Pastki oltilikdagi yakuniy holat
Endi Superliganing 10 va 11-o‘rinlarini egallagan jamoalar Pro-liga klublariga qarshi pley-off bahslarida maydonga tushadi.
“Mash’al” Superligada 11-o‘rinni egallagan “So‘g‘diyona” jamoasiga qarshi pley-off bahsida maydonga tushadi.
“Istiqlol” esa Superligada 10-o‘rindan joy olgan OKMK jamoasiga qarshi pley-off o‘yinida Superliga yo‘llanmasi uchun bahs olib boradi.
Ushbu uchrashuvlar 3—4-dekabr kunlari soat 14:00 da bo‘lib o‘tadi. “So‘g‘diyona” – “Mash’al” bahsiga Olmaliqdagi “OKMK” stadioni mezbonlik qilsa, OKMK – “Istiqlol” o‘yini Toshkentdagi “Lokomotiv” stadionida bo‘lib o‘tadi.
Pepsi Superliga
32-tur bahslari
30-dekabr, juma
“Paxtakor”—“Bunyodkor” 4:0
Gollar: 1:0 — 5 Tiago Bezerra, 2:0 — 44 Tiago Bezerra, 2:0 — 83 Tiago Bezerra, 3:0 — 90+1 Igor Sergeyev.“Metallurg”—“Buxoro” 1:0
Gol: 1:0 — 41 Zafar To‘rayev.“Navbahor”—“Lokomotiv” 0:3
Gollar: 1:0 — 10 Sardor Rashidov, 0:2 — 54 Sardor Rashidov, 0:3 — 90+1 penalti, Kaxi Maxaradze.29-noyabr, payshanba
Izoh (0)