Rossiyaning Arxangelsk viloyatidagi Plesesk kosmodromidan 30-noyabr kuni 05:27 (Toshkent vaqti bilan 07:27)da harbiy sun’iy yo‘ldoshlar blokini ortgan “Rokot” eltuvchi raketasi start oldi, deb yozadi “Kommersant”. 05:33 da “Briz-KM” tezlatuvchi bloki uchta sputnikdan iborat klaster bilan raketadan ajralib chiqdi.
Ikki soatdan keyin apparatlar mo‘ljaldagi orbitalarga chiqdi. Boshqaruvga qabul qilinganidan so‘ng sun’iy yo‘ldoshlarga “Kosmos-2530”, “Kosmos-2531” va “Kosmos-2532” tartib raqamlari berildi.
Ta’kidlanishicha, “Rokot” raketasi 2018-yil hisobidan Pleseskdan ikkinchi marta uchirildi, avvalroq u aprelda ham parvoz qilgan edi.
Izoh (0)