Amerikaning Kaliforniya shtatida tabiiy yong‘inlar oqibatida halok bo‘lganlar soni o‘sishda davom etmoqda, ayni paytda tabiiy ofat qurbonlari soni 84 kishiga yetdi, deb yozadi “Korrespondent.net”.
Shulardan 81 kishi shtat shimolidagi Byutt okrugidagi o‘rmon yong‘inlari chog‘ida halok bo‘lgan, yana uch nafari Los-Anjeles va Ventura okrugida ofat qurbonlari bo‘ldi. Ikkala yong‘in ham o‘tgan haftadan buyon avjiga olmoqda, hozircha ularni bartaraf etishga muvaffaq bo‘linmadi.
Qutqaruv xizmatlari qidiruv ishlarini davom ettirmoqda. Ofat oqibatida bedarak yo‘qolgan deb hisoblanuvchi kishilar soni 870 kishigacha ko‘paydi. Ammo hukumat ularning ko‘pchiligi aslida tirik bo‘lishi mumkinligini, ularning ism-sharifi g‘oyib bo‘lganlar ro‘yxatida ekanligidan bexabar bo‘lishi mumkinligini taxmin qilmoqda.
Izoh (0)