Milliy haydovchilik guvohnomalarini yangi namunadagi haydovchilik guvohnomalariga almashtirish 2021-yilning 1-yanvariga qadar soddalashtirilgan tartibda amalga oshiriladi. Bu haqda “Davletovuz” Telegram-kanalida xabar berildi.
Davlat xizmatlari agentligi Toshkent shahar boshqarmasi e’loniga ko‘ra, bunda Davlat xizmatlari markazlari tomonidan tibbiy ma’lumotnoma, haydovchining imtihon varaqasi, milliy haydovchilik guvohnomasini bergan hududiy YHXB tasdiqnomasi, avtomototransport vositasining 12 oy mobaynida boshqarilganligini tasdiqlovchi hujjatlar talab etilmaydi.
Taqdim etilishi kerak bo‘lgan hujjatlar quyidagilardan iborat:
- talabgorning shaxsini tasdiqlovchi hujjat (pasport);
- haydovchilik guvohnomasi hamda uning taloni;
- eng kam oylik ish haqining 70 foizi miqdorida davlat boji to‘langanligini tasdiqlovchi to‘lov varaqasi.
Izoh (0)