BMTga a’zo mamlakatlarning barchasiga tashrif buyurib, Ginness rekordlari kitobiga kirgan gretsiyalik sayohatchi Babis Bizas Tojikiston va O‘zbekiston chegarasidagi sarguzashtlari haqida gapirib berdi, deb yozadi Sputnik.
Ayni paytda BMTga 193 ta davlat a’zo bo‘lib, Babis Bizas 2004-yilda bu mamlakatlarning hammasiga safar qilgan, natijada Ginnessning jahon rekordlari kitobiga kiritilgan. Bundan tashqari, Bizas Tinch okeanidagi 170 ta orolga, Shimoliy va Janubiy qutbga, Sibirning olis burchaklariga va Antarktika orollariga sayohat qilgan.
“Sovet davridan keyin Markaziy Osiyo mamlakatlariga tashrif buyurganimizda qiyinchiliklarga uchraganmiz. Biz O‘zbekiston tekisliklariga yetib olish uchun Tojikistonning bepoyon tog‘laridan o‘tib keldik. Ammo bizga chegara kechqurun yopilganini aytishdi, biz esa u yopilganidan keyin 2 soat o‘tib yetib kelgan edik. Biz bir ofitserni topib, unga muammoni tushuntirdik. U bizni tushunib, O‘zbekiston chegarasidagi ofitserni chaqirdi, chunki ular hamon hamkasblar edi. Kutilmaganda biz O‘zbekiston bojxonasida chiroqlar yonganini ko‘rdik, chegara xodimi yemakxonadan qaytib kelib, biz uchun chegarani ochdi”, — dedi Bizas.
Izoh (0)