Joriy yil 21—23-noyabr kunlari Toshkentda “Vino san’ati” festivali o‘tkaziladi. Bu haqda “Turon 24” xabar bermoqda.
Festivalga Bolgariya, Vengriya, Gruziya, Italiya, Moldova, Rossiya, Fransiya, Yaponiya kabi davlatlardan ekspertlar, mutaxassislar kelishi kutilmoqda. Ular orasida Santuccio Sommelier assotsiatsiyasi prezidenti Leonardo Komuchchi, Tokio someler maktabi vakili Orzugul Boboxo‘jayeva, Rossiyaning Shampan enologiyasi instituti vakili Margarita Pankratova bor.
Tashkilotchilar “Vino san’ati” uch xil — ilmiy, madaniy va ko‘ngilochar yo‘nalishlarni o‘z ichiga oladigan noodatiy festival bo‘lishini aytmoqda.
Festival doirasida “Vino va uzumchilik sanoatida innovatsion texnologiyalar”, “Sharq uzumlari” nomli xalqaro ilmiy-amaliy anjumanlar o‘tkaziladi.
Shuningdek, madaniy-ko‘ngilochar dasturlar, vino san’ati bo‘yicha mahorat darslari, mahalliy gastronomik mahsulotlar va milliy hunarmandchilik namunalari ko‘rgazmasi tashkil etiladi.
Izoh (0)