“Sen yolg‘iz emassan” fondi ko‘magi bilan shu hafta bir guruh fransuz shifokorlari Toshkentga keldi.
Ushbu xayriya aksiya doirasida kam ta’minlangan oila farzandlari va Mehribonlik uyi tarbiyalanuvchilarida jarrohlik operatsiyalari o‘tkazilib, tibbiy ko‘rik amalga oshirilmoqda.
Mazkur missiya doirasida 7 nafar bolada murakkab yurak operatsiyalari bajarildi, yaqin kunlar ichida yana 5 ta operatsiya o‘tkazilishi kutilmoqda.
2015- yilda boshlangan o‘zaro hamkorlik doirasida yetakchi fransuz kardiojarrohlari tomonidan Mehribonlik uyi tarbiyalanuvchilari va kam ta’minlangan oila farzandlariga jami 90 dan ziyod murakkab yurak operatsiyalari bajarildi. Ushbu operatsiyalardan 13 tasi fondning moliyaviy yordami bilan Fransiyaning Nant shahridagi pediatrik klinikada amalga oshirildi.
Izoh (0)