Isroil kiberxavfsizlik milliy agentligi WhatsApp foydalanuvchilari uchun akkauntlarni buzish bo‘yicha yangi texnologiya haqida ogohlantirish jo‘natdi. Bu haqda “RIA Novosti” xabar berdi.
So‘nggi vaqtda mamlakatda profillarni mobil operatorlar tomonidan taqdim etiladigan ovozli pochta xizmati yordamida buzish holatlari ko‘p uchramoqda. Pochta qutisiga kirish uchun to‘rtta belgidan iborat PIN-kodni terish zarur. Ko‘plab foydalanuvchilar standart belgilarni tanlaydi, masalan, “0000” yoki “1234”. Bunday parolni terish uchun buzg‘unchidan alohida bilim talab qilinmaydi.
Buzg‘unchi o‘z telefoniga WhatsApp’ni o‘rnatadi va aniq bir raqamga bog‘langan akkauntga kirishga urinadi. Xizmatga kirish bir martalik parol keladigan SMS xabar bilan tasdiqlanadi. Agar turli sabablarga ko‘ra bu amalga oshmasa (akkaunt egasi telefonga qaramaydi va xabarni ko‘rmaydi), tekshirishning yana bir usuli ishga tushadi — kod ovozli xabarda keladi. Dastur kodni raqam ulangan pochtaga jo‘natadi. Parolni tergan holda buzg‘unchi kodni biladi, uni WhatsApp’ga kiritadi va akkauntni buzadi.
Shundan keyin akkauntning yangi xo‘jayini ikki darajali autentifikatsiyani yoqishi mumkin va bundan so‘ng profil ustidan nazoratni qaytarib olishning deyarli imkoni qolmaydi.
Izoh (0)