Prezident Shavkat Mirziyoyevning 2017-yil 13-sentabrdagi “Kitob mahsulotlarini nashr etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ib qilish bo‘yicha kompleks chora-tadbirlar dasturi to‘g‘risida”gi qaroriga asosan Toshkent shahrining Olmazor tumanida kitob marafoni bo‘lib o‘tdi. Bu haqda tadbir tashkilotchilari “Daryo”ga ma’lum qildi.
Tadbirga tumandagi 146-maktab mezbonlik qildi. Kitoblar marafoni tadbiri doirasida turli nashriyotlar bolalar uchun kitoblar yarmarkasini tashkil etdi. Shuningdek, o‘quvchilar “Maktabimga kitob sovg‘a qilaman” shiori ostida maktab kutubxonasi uchun kitoblarni hadya etdi.
Bundan tashqari o‘quvchilarning bo‘sh vaqtlarini samarali va mazmunli o‘tkazish maqsadida 24 turdagi to‘garaklar ko‘rgazmasi ham tashkil etildi.
Aktrisa Madina To‘xtayevaning tashrifi esa 1440 nafar o‘quvchi ta’lim-tarbiya oladigan maktab jamoasiga xush kayfiyat ulashdi.
Izoh (0)