Xitoyning O‘zbekistondagi favqulodda va muxtor elchisi Jiang Yan boshchiligidagi bir guruh mehmonlar Amudaryoda o‘rnatilgan zemsnaryadlarning ishlashini borib ko‘rdi. Bu haqda Turon 24 xabar bermoqda.
O‘zbekiston qishloq xo‘jaligi vazirligi bilan Xitoyning kemasozlik kompaniyasi o‘rtasida 2015-yil 28-sentabrda shartnoma imzolangan edi. Unga binoan grant mablag‘lari asosida Amudaryo tumaniga ikkita zemsnaryad va unga tegishli ehtiyot qismlar keltirilgan.
Ushbu suv texnikalari hozir ekin maydonlariga suv yetkazib beruvchi “Shixjamol”, “Chig‘ir”, “Yerlan atau”, “Toshyop” nasos stansiyalari joylashgan kanallarni qazmoqda. Shu tariqa tumanda qishloq xo‘jaligi ekinlarini suv bilan uzluksiz ta’minlash va yerning hosildorligini oshirishga erishilmoqda.
Xitoy elchisi boshchiligidagi delegatsiya 3-oktabr kungi tashrifi chog‘ida Amudaryo tumani hokimi Sultonboy Yo‘ldoshev hamrohligida “Amudaryo Tex” korxonasi eksportga chiqarayotgan mahsulotlar bilan ham tanishdi.
Izoh (0)