Amerikaning Transcend Air startapi vertikal tarzda havoga ko‘tariluvchi yo‘lovchi samolyotini taqdim etdi, deb yozadi “Rossiyskaya gazeta”.
Bunday samolyotlar biznes-tashuvlarda foydalanishga mo‘ljallangan bo‘lib, tadbirkorlarga parvoz va unga tayyorgarlik ishlari (aeroportga borish, reys uchun ro‘yxatdan o‘tish, yukni ko‘zdan kechirish)ga ketadigan vaqtni sezilarli ravishda kamaytirish imkonini beradi. Uchish va qo‘nish mos keluvchi istalgan maydonchalarda, shu jumladan, vertolyot maydonchasida ham amalga oshirilishi ko‘zda tutilgan.
Hozircha kompaniya parvozlar uchun ruxsat olish maqsadida tegishli idoralar bilan muzokaralarga kirishdi, ruxsatnomani 2024-yilgacha olishga umid qilishmoqda.
Samolyotni yaratishga esa 6 yil vaqt sarflandi. Salondagi joylar bor-yo‘g‘i oltita bo‘lib, u yerda styuardessalar bo‘lmaydi.
Agar loyiha ishga tushirilsa, samolyotda Nyu-Yorkdan Bostonga (306 km) 36 daqiqada, Los-Anjelesdan San-Fransiskoga (560 km) 55 daqiqada yetib borish mumkin bo‘ladi.
Izoh (0)