AQShning Massachusets shtatidagi shaharlarda 70 ta gaz portlashi holatlari qayd etildi, ular esa yong‘inlarga olib keldi, deb yozadi “TASS” shtat politsiyasiga tayanib.
“Hodisa sabablari aniqlanganicha yo‘q. Vaziyat barqarorlashgach, qo‘shma teshiruv ishlari olib boriladi”, — deyiladi politsiya xabarida.
Gaz chaqnashlari shtat shimolidagi Lorens, Andover va Shimoliy Andover shaharlari yuz bergan. Gaz hidi bo‘lgan hududlardan odamlar evakuatsiya qilingan. Shu bilan birga, politsiya Columbia gas kompaniyasi xizmatlaridan foydalanuvchi uy egalarini o‘z uylarini tark etishga chaqirdi.
Kompaniya uchta hududda portlashlarni keltirib chiqargan quvur bilan bog‘liq hodisani tekshirishni boshladi. Andover yong‘in xizmati portlashlar gaz quvuridagi o‘ta katta bosim tufayli yuz berganini taxmin qilmoqda.
Portlashlar oqibatida Lourensda olti kishi, Andoverda esa uch kishi jabrlangan.
Izoh (0)