O‘zbekistonda soliq organlari tekshiruvlar, xronometraj va kameral nazoratdan ko‘proq pul oladi

O‘zbekistonda soliqlar bo‘yicha qo‘shimcha ustamalar va jarima sanksiyalaridan tushgan mablag‘ni Davlat soliq qo‘mitasi foydasiga qayta taqsimlash muhokama qilinmoqda. Tegishli loyiha huquqiy hujjatlar muhokamasi portaliga joylandi, deb yozadi Norma.

Davlat soliq qo‘mitasida Moddiy yordam, ijtimoiy himoya, soliq organlarini rivojlantirish va kutilmagan xarajarlat bo‘yicha maxsus jamg‘arma mavjud. Unga tushumlarni quyidagilar hisobidan ko‘paytirish taklif qilinmoqda:

• tekshiruvlar natijalari bo‘yicha qo‘shimcha musodara qilingan, shuningdek, soliq qonunchiligini buzganlik uchun moliyaviy sanksiyalar qo‘llanilishidan tushgan hamda ma’muriy jarimalardan tushgan mablag‘larning maxsus jamg‘armaga yo‘naltiriladigan qismini 25 dan 40 foizgacha oshirish;
• xronometraj va kameral nazorat natijalari bo‘yicha qo‘shimcha musodara qilingan mablag‘larning 10 foizini maxsus jamg‘armaga yo‘naltirish.