8-sentabrdan boshlab “Termiz — Dushanbe”, “Denov- Dushanbe”, “Samarqand- Panjikent” yo‘nalishida xalqaro avtobuslar qatnovi yo‘lga qo‘yildi. Bu haqda “Xalq so‘zi” xabar bermoqda.
“Termiz — Dushanbe” xalqaro avtobus yo‘nalishining masofasi 251 kilometr bo‘lib, qatnovga sarflanadigan umumiy vaqt 5 soatu 39 daqiqani tashkil etadi. Yo‘lkira haqi tashuvchilar tomonidan Termizdan Dushanbegacha — 70 ming so‘m. Dushanbedan Termizgacha esa 70 somoni qilib belgilandi.
Yo‘nalish masofasi 107 kilometr bo‘lgan “Denov — Dushanbe” xalqaro avtobus yo‘nalishida yo‘lovchilar 2 soat 25 daqiqada o‘z manziliga yetkaziladi. Yo‘lkira haqi tashuvchilar tomonidan Denovdan Dushanbegacha 40 ming so‘m, Dushanbedan Denovnacha esa 40 somoni etib belgilandi.
“Samarqand — Panjikent” xalqaro avtobus yo‘nalishining masofasi 64 kilometr. Qatnovga sarflanadigan umumiy vaqt 1 soatu 25 daqiqa bo‘lib, yo‘lkira haqi tashuvchilar tomonidan Samarqanddan Panjikentgacha 20 ming so‘m. Panjikentdan Samarqandgacha esa 20 somoni qilib belgilandi.
Izoh (0)